ടാക്‌സി ഡ്രൈവറെ യുവതികൾ മർദ്ദിച്ച സംഭവം; പ്രത്യേക സംഘം അന്വേഷിക്കും

സ്ത്രീകളുടെ മർദനത്തിനിരയായ ഓൺലൈൻ ടാക്‌സി ഡ്രൈവർക്കെതിരെ കേസെടുത്ത സംഭവം അന്വേഷിക്കാൻ പ്രത്യേക പോലീസ് സംഘത്തെ നിയോഗിച്ചു. മധ്യമേഖല ഐജിയുടെ നിർദേശപ്രകാരമാണ് അന്വേഷണ സംഘത്തെ നിയോഗിച്ചത്. മർദനമേറ്റ യുവാവിനെതിരേ പോലീസ് ജാമ്യമില്ലാ വകുപ്പ് ചുമത്തി കേസെടുത്തിരുന്നു. തുടർന്നാണ് വിശദമായ അന്വേഷണത്തിന് ഐജി ഉത്തരവിട്ടത്. ടാക്‌സി ഡ്രൈവറെ മർദിച്ച കേസിൽ യുവതികളെ നിസാര വകുപ്പ് ചുമത്തി സ്റ്റേഷൻ ജാമ്യത്തിൽ വിട്ടയച്ചിരുന്നു.