റോഹിങ്ക്യൻ അഭയാർത്ഥികൾക്കായി മിസ്ഡ് കോൾ ക്യാംപയിനുമായി ശശി തരൂർ

മ്യാന്മാറിൽനിന്ന് അഭയാർത്ഥികളായി എത്തിയ റോഹിങ്ക്യകളെ പുറത്താക്കണമെന്ന ആവശ്യം നിരന്തരമായി ഉന്നയിക്കുന്ന കേന്ദ്രസർക്കാർ നിലപാടിനെതിരെ ശശി തരൂരിന്റെ മിസ്ഡ് കോൾ ക്യാംപയിൻ. റോഹിങ്ക്യൻ മുസ്ലീങ്ങളെ പിന്തുണയ്ക്കുന്നതിനുവേണ്ടിയാണ് ശശി തരൂരിന്റെ മിസ്ഡ് കോൾ ക്യാംപയിൻ. യുഎൻ മനുഷ്യാവകാശ സംഘടനയായ ആംനസ്റ്റി ഇന്റർനാഷണലിന് തരൂർ നൽകിയ പരാതിയ്ക്ക് പിന്തുണ നൽകാനാണ് മിസ്ഡ് കോൾ ക്യാംപയിൻ ആരംഭിച്ചിരിക്കുന്നത്. 9699221662 എന്ന നമ്പറിലേക്ക് മിസ്‌കോൾ ചെയ്യാനാണ് സോഷ്യൽ മീഡിയ പ്രചാരണം ആരംഭിച്ചിരിക്കുന്നത്. ഓരോ മിസ്ഡ് കോളും ശശി തരൂർ ആംനസ്റ്റി ഇന്റർ നാഷണലിൽ നൽകിയ പരാതിയ്ക്ക് പിന്തുണ ലഭിക്കുന്നതായി കണക്കാക്കും.