ഡൽഹി അന്തരീക്ഷ മലിനീകരണം; വാഹനനിയന്ത്രണം വേണ്ടെന്ന് തീരുമാനം

അന്തരീക്ഷമലിനീകരണം രൂക്ഷമായ ഡൽഹിയിൽ തൽക്കാലം ഒറ്റ-ഇരട്ട വാഹനക്രമീകരണം നടപ്പാക്കേണ്ടെന്ന് ഡൽഹി സർക്കാർ. അരവിന്ദ് കേജരിവാൾ അധ്യക്ഷനായ ഉന്നതതലയോഗത്തിനു ശേഷമാണ് ഇക്കാര്യം അറിയിച്ചത്.

ഒറ്റ-ഇരട്ട അക്ക വാഹനനിയന്ത്രണത്തിന് ദേശീയ ഹരിത ട്രിബ്യൂണൽ അനുമതി നൽകിയതിന് പിന്നാലെയാണ് സർക്കാരിന്റെ മലക്കം മറിച്ചിൽ. സർക്കാർ നിർദേശിച്ച ഇളവുകൾ ദേശീയ ഹരിത ട്രിബ്യൂണൽ അനുവദിക്കാത്ത സാഹചര്യത്തിലാണ് പുതിയ നീക്കമെന്നാണ് റിപ്പോർട്ട്.

അതേസമയം, വാഹനനിയന്ത്രണം നേരത്തെ നടപ്പാക്കാത്തതിനെയും ഹരിത ട്രിബ്യൂണൽ വിമർശിച്ചിരുന്നു.

Delhi Air Pollution No Odd Even on Monday