ഫഹദ് ഫാസിലിന്റെ അറസ്റ്റ് രേഖപ്പെടുത്തി

പുതുച്ചേരി വാഹന രെജിസ്‌ട്രേഷൻ തട്ടിപ്പ് കേസിൽ സിനിമാ താരം ഫഹദ് ഫാസിലിനെ അറസ്റ്റ് ചെയ്ത് വിട്ടയച്ചു. രണ്ടരമണിക്കൂർ നീണ്ട് നിന്ന ചോദ്യം ചെയ്യലിൽ താരം കുറ്റം സമ്മതിക്കുകയായിരുന്നു.

അറിയാതെ പറ്റിപ്പോയതാണെന്നും, താൻ പിഴ അടക്കാൻ തയ്യാറാണെന്നും താരം ചോദ്യം ചെയ്ത ക്രൈംബ്രാഞ്ച് ഉദ്യോഗസ്ഥരോട് പറഞ്ഞു.

വഞ്ചന കുറ്റത്തിന് പുറമെ വ്യാജരേഖ ചമച്ചു എന്ന കുറ്റത്തിനും ഫഹദിനെതിരെ ജാമ്യമില്ലാ വകുപ്പ് പ്രകാരം കേസെടുത്തിരുന്നു. എന്നാൽ താരത്തിന് മുൻകൂർ ജാമ്യം ഉള്ളത് കൊണ്ടാണ് അറസ്റ്റ് രേഖപ്പെടുത്തി വിട്ടയച്ചിരിക്കുന്നത്.