ഗോ സംരക്ഷകരുടെ ആക്രമണം; മൂന്ന് സംസ്ഥാനങ്ങള്‍ക്ക് നോട്ടീസ്

ഗോ സംരക്ഷണത്തിന്‍റെ പേരിലുള്ള ആക്രമണങ്ങള്‍ക്ക് മൂന്ന് സംസ്ഥാനങ്ങൾക്ക് സുപ്രീം കോടതി കോടതിയലക്ഷ്യ നോട്ടീസ് അയച്ചു .  രാജസ്ഥാൻ ,ഹരിയാന  , ഉത്തർപ്രദേശ് സംസ്ഥാനങ്ങൾക്കാണ് നോട്ടീസ് അയച്ചത്. സെപ്റ്റംബർ മൂന്നിനകം കൃത്യമായ മറുപടി നൽകണമെന്നാണ്  ചീഫ് സെക്രട്ടറിമാർക്ക് നിർദ്ദേശം നൽകിയത് .  സാമൂഹ്യപ്രവർത്തകൻ തുഷാർ ഗാന്ധി നൽകിയ ഹർജിയിലാണ് കോടതി നടപടി. തുഷാര്‍ നൽകിയ ഹർജിയുടെ അടിസ്ഥാനത്തില്‍ ഗോസംരക്ഷണത്തിന്‍റെ പേരിലുള്ള ആക്രമങ്ങൾ തടയാൻ 26 സംസ്ഥാനങ്ങൾക്ക് കോടതി  നിർദ്ദേശം നൽകിയിരുന്നു. ഇതിൽ വീഴ്ച വരുത്തിയതിനാണ് നോട്ടീസ് നൽകിയത്.