കുപ്പിവെള്ളത്തിന്റെ വില നേര്‍പകുതിയാക്കി കുറയ്ക്കും

സംസ്ഥാനത്ത് കുപ്പിവെള്ളത്തിന്റെ വില കുറയ്ക്കാന്‍ ധാരണ. കുപ്പിവെള്ളത്തിന്റെ കേരളത്തിലെ നിര്‍മാതാക്കളുടെ യോഗത്തിലാണ് ഈ തീരുമാനം സ്വീകരിച്ചത്. നേര്‍ പകുതിയാക്കി വില കുറയ്ക്കാനാണ് തീരുമാനം. ഇരുപത് രൂപയ്ക്കും അതില്‍ കൂടുതലിനും വെള്ളം വില്‍ക്കുന്ന കേരളത്തില്‍ ഈ തീരുമാനത്തോടെ വെള്ളത്തിന്റെ വില പത്ത് രൂപയിലേക്ക് താഴും. എന്ന് മുതലാണ് ഈ മാറ്റം പ്രാബല്യത്തില്‍ വരിക എന്നതിനെ കുറിച്ച് യോഗത്തില്‍ ധാരണയായിട്ടില്ല. കേരളത്തില്‍ 105 കമ്പനികള്‍ ഉള്‍പ്പെടുന്ന അസോസിയേഷനാണ് വില കുറച്ച് കുപ്പിവെള്ളം വില്‍ക്കാന്‍ തീരുമാനമെടുത്തിരിക്കുന്നത്.