ഗുജറാത്ത് തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് പുരോഗമിക്കുന്നു

ഗുജറാത്തിൽ തദ്ദേശ സ്വയംഭരണ സ്ഥാപനങ്ങളിലേയ്ക്കുള്ള തെരഞ്ഞെടുപ്പ് പുരോഗമിക്കുന്നു. സംസ്ഥാനത്തെ 74 മുനിസിപ്പാലിറ്റികളിലേയ്ക്കാണ് തെരഞ്ഞെടുപ്പ് നടക്കുന്നത്.

522 മുനിസിപ്പൽ ബോർഡിലേയ്ക്ക് ആകെ 1988 സീറ്റുകളാണ് ഉള്ളത്. മൊത്തം 2763 പോളിങ് സ്റ്റേഷനുകളിലായാണ് വോട്ടിംഗ് നടക്കുന്നത്. ഇതിൽ 530 ബൂത്തുകളെ സെൻസിറ്റീവും 95 സൂപ്പർ സെൻസിറ്റീവുമായി പ്രഖ്യാപിച്ചിട്ടുണ്ട്. ഈ ബൂത്തുകളിൽ കൂടുതൽ സുരക്ഷയും ഏർപ്പെടുത്തിയിട്ടുണ്ട്.

രാവിലെ 8 മണിക്ക് ആരംഭിച്ച വോട്ടെടുപ്പ് വൈകുന്നേരം 5 മണി വരെ തുടരും. വോട്ടെണ്ണൽ ഫെബ്രുവരി 19 ന് നടക്കും.