കാര്‍ത്തി ചിദംബരത്തെ ഇരുപത് വരെ അറസ്റ്റ് ചെയ്യരുതെന്ന് ഡല്‍ഹി ഹൈക്കോടതി

ഐഎന്‍എക്‌സ് മീഡിയ കേസില്‍ കാര്‍ത്തി ചിദംബരത്തെ മാര്‍ച്ച് 20 വരെ അറസ്റ്റ് ചെയ്യരുതെന്ന് എന്‍ഫോഴ്‌സ്‌മെന്റ് ഡയറക്ടറേറ്റിനോട് ഡല്‍ഹി ഹൈക്കോടതി. എന്‍ഫോഴ്‌സ്‌മെന്റ് ഡയറക്ടറേറ്റ് പുറപ്പെടുവിച്ച സമന്‍സ് റദ്ദാക്കണമെന്ന് ആവശ്യപ്പെട്ട് കാര്‍ത്തി ചിദംബരം സുപ്രീം കോടതിയെ സമീപിച്ചിരുന്നു. സുപ്രീം കോടതി ഈ ഹര്‍ജി ഡല്‍ഹി ഹൈക്കോടതിക്ക് കൈമാറുകയായിരുന്നു. ഇത് പരിഗണിച്ചായിരുന്നു ഹൈക്കോടതി വിധി പുറപ്പെടുവിച്ചത്. മാര്‍ച്ച് 20 ന് ഹര്‍ജി വീണ്ടും പരിഗണിക്കും. 20-ാം തിയ്യതി വരെ കാര്‍ത്തി സിബിഐ കസ്റ്റഡിയില്‍ തുടരും.