കര്‍ദിനാളിനെതിരെ കേസെടുത്തു

എറണാകുളം-അങ്കമാലി അതിരൂപതയുടെ വിവാദ ഭൂമിയിടപാട് വിവാദത്തില്‍ കര്‍ദിനാള്‍ മാര്‍. ജോര്‍ജ്ജ് ആലഞ്ചേരിക്കെതിരെ പോലീസ് കേസെടുത്തു. കര്‍ദിനാളിനെ ഒന്നാം പ്രതിയാക്കിയാണ് കേസെടുത്തിരിക്കുന്നത്. ജാമ്യമില്ലാവകുപ്പ് പ്രകാരമാണ് മാര്‍. ജോര്‍ജ്ജ് ആലഞ്ചേരിക്കെതിരെ കേസ്. വിശ്വാസവഞ്ചന, ഗൂഢാലോചന എന്നീ വകുപ്പുകള്‍ പ്രകാരമാണ് കേസ് എടുത്തിരിക്കുന്നത്. കര്‍ദിനാളിനെ പ്രതി ചേര്‍ത്ത് കേസ് എടുക്കണമെന്ന് ഹൈക്കോടതി വിധിച്ചിരുന്നു. അതേ തുടര്‍ന്നാണ് കേസ് രജിസ്റ്റര്‍ ചെയ്തിരിക്കുന്നത്. ഫാ. ജോഷി പതുവയെ രണ്ടാം പ്രതിയായും സെബാസ്റ്റ്യന്‍ വടക്കുംപാടനെ മൂന്നാം പ്രതിയായും ചേര്‍ത്താണ് കേസ് എടുത്തിരിക്കുന്നത്. ഇടനിലക്കാരനായ സജു വര്‍ഗീസാണ് നാലാം പ്രതി.