ന്യൂനമര്‍ദ്ദത്തിന്റെ ശക്തി കുറയുന്നു

സംസ്ഥാനത്ത് ന്യൂനമര്‍ദ്ദത്തിന്റെ ശക്തി കുറയുന്നതായി കാലാവസ്ഥ നിരീക്ഷണ കേന്ദ്രം. ചുഴലിക്കാറ്റിന് സാധ്യതയില്ലെന്നും അറിയിച്ചിട്ടുണ്ട്. എന്നാല്‍, കടലില്‍ പോകുന്നതില്‍ നിന്നും മത്സ്യതൊഴിലാളികള്‍ക്ക് വിലക്ക് ഏര്‍പ്പെടുത്തിയിട്ടുണ്ട്. കടലില്‍ ശക്തമായ കാറ്റിനും വന്‍ തിരമാലകള്‍ക്കും സാധ്യതയുണ്ടെന്നതിനാലാണ് കടലില്‍ പോകുന്നത് ഒഴിവാക്കാന്‍ അറിയിച്ചിരിക്കുന്നത്. ലക്ഷദ്വീപില്‍ കനത്ത മഴയ്ക്ക് സാധ്യതയുണ്ട്. തമിഴ്‌നാട്ടിലെയും കേരളത്തിലെയും മത്സ്യതൊഴിലാളികള്‍ കടലിലേക്ക് പോകരുതെന്ന് കാലാവസ്ഥ നിരീക്ഷണ കേന്ദ്രം അറിയിച്ചിട്ടുണ്ട്. മണിക്കൂറില്‍ 65 കിലോമീറ്റര്‍ വേഗതയില്‍ ദക്ഷിണ കേരളത്തിലും തമിഴ്‌നാട്ടിലും കാറ്റ് വീശാന്‍ സാധ്യതയുണ്ട്.