നഴ്‌സുമാരുടെ വേതനം; അന്തിമ വിജ്ഞാപനം ഇറക്കുന്നത് കോടതി തടഞ്ഞു

നഴ്സുമാരുടെ വേതന വ്യവസ്ഥകൾ സംബന്ധിച്ച് സർക്കാർ അന്തിമ വിജ്ഞാപനം ഇറക്കുന്നത് ഹൈക്കോടതി തടഞ്ഞു. ഇക്കാര്യത്തിൽ സർക്കാരിന് നടപടികൾ തുടരാം .കേരള പ്രൈവറ്റ് ഹോസ്പിറ്റൽ അസോസിയേഷനും മറ്റും സമർപ്പിച്ച ഹർജിയിലാണ് ഉത്തരവ്. നിലവിലെ ശമ്പളത്തിന്റെ 150 ശതമാനം വർധനവാണ് സർക്കാർ നിർദേശിച്ചത്. നാനൂറോളം ആശുപത്രികൾ തങ്ങളുടെ അഭിപ്രായം അറിയിച്ചെങ്കിലും വേണ്ട വിധം പരിഗണിക്കാതെയാണ് സർക്കാർ ഉത്തരവെന്നും ഹർജിയിൽ പറയുന്നു. കേസ് കോടതി പിന്നീട് പരിഗണിക്കും.