അമ്മ നാലുവയസ്സുകാരിയെ ബസ്സില്‍ വച്ച് ‘മറന്നു’, പോലീസ് രക്ഷകരായി

ഇറങ്ങേണ്ട സമയം ആയപ്പോള്‍ ആ അമ്മ ഇറങ്ങി. വീടെത്തിയപ്പോഴാണ് ഒപ്പമുണ്ടായിരുന്ന എന്തോ ‘ഒന്ന്’ ബസ്സില്‍ വച്ച് മറന്നല്ലോ എന്ന് ഓര്‍ത്തത്. സ്വന്തം മകള്‍, നാലുവയസ്സുകാരിയായ അവളെ ബസ്സിലിരുത്തിയാണ് അമ്മ ഇറങ്ങിയത്. കാസര്‍കോട്ടാണ് ഈ അപൂര്‍വ്വ സംഭവം. ഞാ​യ​റാ​ഴ്ച വൈ​കു​ന്നേ​രം അ​ഞ്ച​ര​യോ​ടെ​യാ​യി​രു​ന്നു ഇത് നടന്നത്.

പൈ​ക്ക​യി​ല്‍ നി​ന്ന് കാ​സ​ര്‍​ഗോ​ഡ് ഭാ​ഗ​ത്തേ​ക്ക് വ​രി​ക​യാ​യി​രു​ന്ന സ്വ​കാ​ര്യ ബ​സി​ലാ​ണ് അമ്മ കു​ട്ടി​യെ മ​റ​ന്ന​ത്. ഇവര്‍ എ​ട​നീ​രി​ല്‍ ഇ​റ​ങ്ങു​ക​യാ​യി​രു​ന്നു. വീ​ട്ടി​ലെ​ത്തി​യ​പ്പോ​ഴാ​ണ് കു​ട്ടി​യെ മ​റ​ന്ന​താ​യി അ​റി​യു​ന്ന​ത്. തുടര്‍ന്ന് ബ​ന്ധു​ക്ക​ള്‍ വി​ദ്യാ​ന​ഗ​ര്‍ പോ​ലീ​സി​ല്‍ വി​വ​ര​മ​റി​യി​ച്ചു.അപ്പോഴേക്കും ബ​സ് കാ​സ​ര്‍​ഗോ​ട്ടെ​ത്തി​യി​രു​ന്നു. ബ​സ് തി​രി​ച്ച് പൈ​ക്ക ഭാ​ഗ​ത്തേ​ക്ക് പോ​കു​ന്ന​തി​നി​ടെ​യാ​ണ് പോ​ലീ​സ് വി​വ​രം അ​റി​യു​ന്ന​ത്. തു​ട​ര്‍​ന്ന് ചെ​ര്‍​ക്ക​ള​യി​ലെ​ത്തി​യ പോ​ലീ​സ് ജീ​പ്പ് റോഡിന് കു​റു​കെ നി​ര്‍​ത്തി ബസ് തടഞ്ഞ് കുട്ടിയെ ബസ്സില്‍ നിന്ന് ഇറക്കുകയായിരുന്നു.  പോ​ലീ​സ് തന്നെ കുട്ടിയെ എ​ട​നീ​രി​ലെ വീ​ട്ടിലാക്കി.