ഉഷ്ണ തരംഗത്തിന് സാധ്യത; മുന്നറിയിപ്പുമായി കാലവസ്ഥാ നിരീക്ഷണ കേന്ദ്രം

ഈ വർഷം ഉഷ്ണ തരംഗംമുണ്ടാകാൻ സാധ്യതയുണ്ടെന്ന് ഇന്ത്യൻ കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇതിനെ തുടർന്ന് സർക്കാർ മുൻകരുതൽ നടപടികൾ തുടങ്ങി. ഉഷ്ണ തരംഗം ഇന്ത്യ മുഴുവൻ ബാധിക്കുമെന്നാണ് മുന്നറിയിപ്പ്.

സംസ്ഥാന, ജില്ലാ, ബ്ലോക്ക് തലങ്ങളിൽ അടിയന്തര സാഹചര്യങ്ങൾ നേരിടുന്നതിനും പ്രവർത്തനങ്ങൾ ഏകോപിപ്പിക്കുന്നതിനും നോഡൽ ഓഫീസർമാരെ നിയമിച്ചു.

40 ഡിഗ്രിയോ അതിൽക്കൂടുതലോ ചൂട് തുടർച്ചയായി രണ്ടുദിവസം അനുഭവപ്പെടുന്നതാണ് ഉഷ്ണതരംഗം. മനുഷ്യനും മറ്റുജീവികൾക്കും കൃഷിക്കും അപകടമുണ്ടായേക്കാവുന്ന സാഹചര്യമാണിത്. കടുത്ത ചൂടേറ്റ് മോഹാലസ്യവും ചിലപ്പോൾ ജീവഹാനിക്കുതന്നെ കാരണമാവുന്ന തളർച്ചയും ഉണ്ടായേക്കാം.