അണ്വായുധ പരീക്ഷണ ശാല പൊളിച്ച് നീക്കാന്‍ ഉത്തര കൊറിയ

വിദേശ മാധ്യമങ്ങളെ സാക്ഷിനിര്‍ത്തിയാണ് അണ്വായുധ പരീക്ഷണശാല പൊളിച്ചുനീക്കുകയെന്ന് ഉത്തര കൊറിയ. ഈ മാസം 23, 25 തീയതികളിലാണ് പരീക്ഷണശാല പൊളിക്കുന്നത്. അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായുള്ള കൂടിക്കാഴ്ചയ്ക്കു മുന്നോടിയാണ് ഈ നടപടി. ജൂണ്‍ 12 ന് സിംഗപ്പൂരിലാണ് ഇരുവരുടേയും കൂടിക്കാഴ്ച. അണ്വായുധ പരീക്ഷണ ശാല പൊളിച്ച് നീക്കാനുള്ള ഉത്തര കൊറിയയുടെ തീരുമാനത്തെ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് സ്വാഗതം ചെയ്യുകയും നന്ദി പറയുകയും ചെയ്തു.