ബിജെപി 120ല്‍ അധികം സീറ്റ് നേടും; യെദ്യൂരപ്പ

കര്‍ണാടക നിയമസഭാ തിരഞ്ഞെടുപ്പില്‍ ബിജെപി മികച്ച വിജയം നേടുമെന്ന് പാര്‍ട്ടിയുടെ മുഖ്യമന്ത്രി സ്ഥാനാര്‍ഥി ബി.എസ്. യെദ്യൂരപ്പ. ബിജെപി 120 ല്‍ അധികം സീറ്റ് നേടുമെന്ന് എഴുതി നല്‍കാന്‍ തയ്യാറാണെന്നും യെദ്യൂരപ്പ മാധ്യമപ്രവര്‍ത്തകരോട് പറഞ്ഞു. തൂക്കുമന്ത്രിസഭയാകും അധികാരത്തിലേറുക എന്ന എക്‌സിറ്റ് പോള്‍ ഫലങ്ങളെ യെദ്യൂരപ്പ തള്ളി. 120 ലേറെ സീറ്റ് നേടി ബിജെപി കര്‍ണാടകത്തില്‍ അധികരാത്തിലേറിമെന്ന് യെദ്യൂരപ്പ പറഞ്ഞു. അക്കാര്യം എഴുതി തരാനും തയ്യാറാണെന്ന് അദ്ദേഹം കൂട്ടിച്ചേര്‍ത്തു.