കോണ്‍ഗ്രസ് സംഘത്തെ കാണാന്‍ ഗവര്‍ണര്‍ വിസമ്മതിച്ചു; ജെഡിഎസിനായി ബിജെപിയുടെയും ചരട് വലി

ജെഡിഎസിനൊപ്പം കര്‍ണാടകത്തില്‍ സര്‍ക്കാര്‍ ഉണ്ടാക്കാന്‍ കോണ്‍ഗ്രസ് നടത്തിയ പ്രവര്‍ത്തനങ്ങള്‍ക്ക് ആദ്യത്തെ തിരിച്ചടി. സര്‍ക്കാറിന് രൂപം നല്‍കാന്‍ തയ്യാറാണെന്ന് അറിയിച്ച് കോണ്‍ഗ്രസ് നേതാവ് ജി. പരമേശ്വരയുടെ നേതൃത്വത്തിലുള്ള സംഘം ഗവര്‍ണറെ കാണാന്‍ എത്തിയെങ്കിലും ഗവര്‍ണറുടെ ഓഫീസ് സമയം നിഷേധിച്ചു. കര്‍ണാടകത്തിലെ ചിത്രം ഇനിയും വ്യക്തമല്ല. ഇരു പാര്‍ട്ടികളും ജെഡിഎസിനോട് പുലര്‍ത്തുന്ന നിലപാട് വരും മണിക്കൂറുകളില്‍ പ്രസക്തമാകും. അതേ സമയം, ജെഡിഎസിനെ അടുപ്പിക്കാന്‍ ബിജെപിയും ചരട് വലികള്‍ നടത്തുന്നു. കേന്ദ്ര മന്ത്രിമാരടങ്ങിയ സംഘം ജെഡിഎസിനെ ബിജെപിയോട് അടുപ്പിക്കാന്‍ ശ്രമങ്ങള്‍ ആരംഭിച്ചിട്ടുണ്ട്.