തൃശൂരില്‍ നിപ ബാധിച്ചെന്ന വാര്‍ത്ത അടിസ്ഥാനരഹിതം; നവമാധ്യമങ്ങള്‍ സംയമനം പാലിക്കുക

തൃശൂര്‍ മെഡിക്കല്‍ കോളേജില്‍ നിപ വൈറസ് ബാധിച്ച് നാല് പേരെ അഡ്മിറ്റ് ചെയ്‌തെന്നും അതില്‍ ഒരാള്‍ക്ക് സ്ഥിരീകരിച്ചെന്നുമുള്ള വാര്‍ത്തകള്‍ അടിസ്ഥാനരഹിതമാണെന്ന് ആശുപത്രി സൂപ്രണ്ട് അറിയിച്ചു. തൃശൂര്‍ മെഡിക്കല്‍ കോളേജില്‍ നിപ സ്ഥിരീകരിച്ചിട്ടില്ലെന്നും സോഷ്യല്‍ മീഡിയയില്‍ വരുന്ന മുന്നറിയിപ്പ് വാര്‍ത്തകള്‍ അടിസ്ഥാന രഹിതമാണെന്നും ആശുപത്രി സൂപ്രണ്ട് ഡോ. ബിജു കൃഷ്ണന്‍ അറിയിച്ചു. നവമാധ്യമങ്ങളില്‍ കുപ്രചാരണം നടത്തുന്നവര്‍ക്കെതിരെ കര്‍ശനമായ നടപടികള്‍ സ്വീകരിക്കണമെന്ന് കഴിഞ്ഞ ദിവസം ആരോഗ്യമന്ത്രി നിര്‍ദേശം നല്‍കിയിട്ടുണ്ട്. ആരോഗ്യവകുപ്പ് നല്‍കുന്ന നിര്‍ദേശങ്ങള്‍ മാത്രമേ ജനങ്ങള്‍ സ്വീകരിക്കാവൂ എന്നാണ് നിര്‍ദേശം.