നിപ മരണം; കോഴിക്കോട് ജില്ലയില്‍ പൊതുപരിപാടികള്‍ ഒഴിവാക്കും; ആശങ്ക വേണ്ടെന്ന് ആരോഗ്യവകുപ്പ്

നിപ വൈറസ് ബാധ മൂലമുണ്ടായ മരണങ്ങളുടെ പശ്ചാത്തലത്തില്‍ കോഴിക്കോട് ജില്ലയില്‍ പൊതുപരിപാടികള്‍ റദ്ദാക്കിയതായി ജില്ലാ കളക്ടര്‍ അറിയിച്ചു. മെയ് 31 വരെയാണ് പൊതുപരിപാടികള്‍ വിലക്കിയിരിക്കുന്നത്. മരണപ്പെട്ടവരോടുള്ള ആദരസൂചകമായാണ് ഈ നടപടി. ട്യൂഷന്‍ ക്ലാസുകള്‍, ട്രെയിനിംഗ് സെന്ററുകള്‍ എന്നിവയും മെയ് 31 വരെ പ്രവര്‍ത്തിക്കരുത്. എന്നാല്‍, ജനങ്ങള്‍ പരിഭ്രാന്തരാകരുതെന്നും ആശങ്കപ്പെടേണ്ട സാഹചര്യമില്ലെന്നും ആരോഗ്യവകുപ്പ് അറിയിച്ചു. വിഷയത്തില്‍ കൂടുതല്‍ ജാഗ്രത പുലര്‍ത്തുക മാത്രം ചെയ്താല്‍ മതിയെന്നും സ്ഥിതികള്‍ നിയന്ത്രണവിധേയമാണെന്നും ആരോഗ്യമന്ത്രി കഴിഞ്ഞ ദിവസം പറഞ്ഞിരുന്നു.