മെക്കുനു ചുഴലിക്കാറ്റിൽ വൻനാശനഷ്ടം

സലാലയിൽ മെക്കുനു ചുഴലിക്കാറ്റിൽ വൻനാശനഷ്ടം. ദോഫാർ ഗവർണറേറ്റിലെ സഹൽനൂത്തിൽ ചുമര് തകർന്ന് പരുക്കേറ്റ 12 വയസ്സുകാരി മരിച്ചു. മറ്റൊരു സംഭവത്തിൽ മൂന്ന് ഏഷ്യൻ വംശജർക്ക് പരുക്കേറ്റു.

കടുത്ത കാറ്റും മഴയും മൂലം പലയിടത്തായി കുടുങ്ങിപ്പോയ നിരവധി പേരെ സുരക്ഷാസേനകൾ രക്ഷിച്ചു. ലാല സെൻട്രൽ മാർക്കറ്റിന് സമീപം വെള്ളപ്പൊക്കത്തിൽ കുടുങ്ങിയ സ്വദേശി കുടുംബത്തിലെ ആറ് പേരെ സൈനികർ സുരക്ഷിത സ്ഥാനത്തേക്ക് മാറ്റി.