ചെങ്ങന്നൂരില്‍ റെക്കോര്‍ഡ് പോളിംഗ്; വോട്ടെണ്ണല്‍ 31ന്

ചെങ്ങന്നൂരില്‍ വോട്ടെടുപ്പ് അവസാനിച്ചു. എല്ലാ വര്‍ഷത്തേക്കാളും ഉയര്‍ന്ന പോളിംഗാണ് ചെങ്ങന്നൂരില്‍ ഇത്തവണ രേഖപ്പെടുത്തിയിരിക്കുന്നത്. പോളിംഗ് 76.3 ശതമാനമാണ് രേഖപ്പെടുത്തിയത്. അവസാന കണക്കില്‍ പോളിംഗ് ശതമാനം ഇനിയും ഉയര്‍ന്നേക്കാം. കഴിഞ്ഞ തിരഞ്ഞെടുപ്പില്‍ പോളിംഗ് 74 ശതമാനമായിരുന്നു. ചിലയിടങ്ങളില്‍ വോട്ടിംഗ് യന്ത്രങ്ങള്‍ തകരാറിലായത് ഒഴിച്ചുനിര്‍ത്തിയാല്‍ മറ്റ് പ്രശ്‌നങ്ങളൊന്നും വോട്ടിംഗിനിടെ സംഭവിച്ചിട്ടില്ല. മെയ് 31നാണ് വോട്ടെണ്ണല്‍.