കുടിവെള്ളം താഴിട്ട് സൂക്ഷിച്ച് ഒരു ജനത !

ഒടുവില്‍ അതുമായി. വെള്ളം ശേഖരിക്കുന്ന ടാങ്കിന് താഴും താക്കോലും. രാജസ്ഥാനിലെ അജ്മീറിലാണ് ഈ കാഴ്ച.

കുടിവെള്ളം കിട്ടാതായതോടെ, ജനങ്ങള്‍ ദുരിതത്തിലായി. എല്ലാ ദിവസവും ടാങ്കറില്‍ വെള്ളമെത്തില്ല. കിട്ടുന്ന വെള്ളം ടാങ്കില്‍ ശേഖരിക്കുകയായിരുന്നു പതിവ്.

അതോടെ, ജലമോഷണവും പെരുകി. നിവൃത്തികെട്ടപ്പോള്‍ ടാങ്കിന് താഴിട്ടു. ഇപ്പോള്‍ ഈ താക്കോലുമായിട്ടാണ് ഗ്രാമവാസികളുടെ നടപ്പ്.

രാജസ്ഥാനില്‍ ശുദ്ധജല ലഭ്യത കുറഞ്ഞ മേഖലകളില്‍ ഒന്നാണ് അജ്മീര്‍.