57-ാം മിനിറ്റില്‍ ഫ്രാന്‍സ്; 61-ാം മിനിറ്റില്‍ ഓസ്‌ട്രേലിയ (1-1)

ഫ്രാന്‍സ് – ഓസ്‌ട്രേലിയ ലോകകപ്പ് പോരാട്ടത്തില്‍ ഇരു ടീമുകളും ഓരോ ഗോളുകള്‍ വീതം നേടി. പെനല്‍റ്റി കിക്കുകള്‍ ഗോള്‍ വലയിലെത്തിച്ചാണ് ഇരു ടീമുകളും അക്കൗണ്ട് തുറന്നത്. മത്സരത്തിന്റെ 57-ാം മിനിറ്റില്‍ ലഭിച്ച പെനല്‍റ്റി കിക്ക് ഫ്രാന്‍സിന്റെ അന്റോണിയോ ഗ്രീസ്മാന്‍ ഓസ്‌ട്രേലിയയുടെ വലയിലെത്തിച്ചു. ഒരു ഗോളിന് മുന്നില്‍ നില്‍ക്കുകയായിരുന്ന ഫ്രാന്‍സിന്റെ ഗോള്‍ പോസ്റ്റിലേക്ക് 61-ാം മിനിറ്റില്‍ പെനല്‍റ്റിയിലൂടെ ഓസ്‌ട്രേലിയന്‍ താരം എഡിനാക് ലക്ഷ്യം കാണുകയായിരുന്നു. 70 മിനിറ്റുകള്‍ പിന്നിട്ട മത്സരം 1-1 സമനിലയിലാണ് മുന്നോട്ട് പോകുന്നത്.