ഇംഗ്ലണ്ടിനും ബെല്‍ജിയത്തിനും വിജയം

ഫിഫ ലോകകപ്പ് ഗ്രൂപ്പ് പോരാട്ടത്തില്‍ ഇന്നലെ നടന്ന മത്സരങ്ങളില്‍ ബെല്‍ജിയത്തിനും ഇംഗ്ലണ്ടിനും വിജയം. സോച്ചിയില്‍ നടന്ന മത്സരത്തില്‍ എതിരാളികളായ പനാമയെ ഏകപക്ഷീയമായ മൂന്ന് ഗോളുകള്‍ക്കാണ് കറുത്ത കുതിരകളെന്ന് വിശേഷണമുള്ള ബെല്‍ജിയം പരാജയപ്പെടുത്തിയത്. ഗോള്‍ രഹിതമായ ആദ്യ പകുതിക്ക് ശേഷം ഗോളടി മേളം തീര്‍ക്കുകയായിരുന്നു ബെല്‍ജിയം. റൊ​മേ​ലു ലു​കാ​ക്കു ഇ​ര​ട്ട ഗോ​ളു​ക​ളു​മാ​യി വ​ര​വ​റി​യി​ച്ച​പ്പോ​ൾ മെ​ർ​ട്ടെ​ൻ​സി​ന്‍റെ വ​ക​യാ​യി​രു​ന്നു ഒ​രു ഗോ​ൾ.

ക​രു​ത്ത​രാ​യ ബെ​ൽ​ജി​യ​ത്തി​നെ​തി​രേ ആ​ദ്യ പ​കു​തി​യി​ൽ പനാമ പി​ടി​ച്ചു​നി​ന്നു. ഇ​ട​യ്ക്ക് ചി​ല മു​ന്നേ​റ്റ​ങ്ങ​ൾ ഒ​ഴി​ച്ചാ​ൽ ഡി​ബ്രു​യ്നെ-​ലു​കാ​ക്കു-​ഏ​ഡ​ൻ ഹ​സാ​ർ​ഡ് ത്ര​യ​ത്തി​ന്‍റെ മു​ന്നേ​റ്റ​ങ്ങ​ൾ ത​ട​യു​ന്ന​തി​ലാ​യി​രു​ന്നു മ​റ്റു സ​മ​യ​ങ്ങ​ളി​ൽ പാ​ന​മ​യു​ടെ ശ്ര​ദ്ധ. ഇതോടെ ആ​ദ്യ പ​കു​തി​യി​ൽ ഗോ​ൾ വ​ഴ​ങ്ങാ​തി​രി​ക്കു​ന്ന​തി​ൽ പനാമ വി​ജ​യി​ച്ചു.

ര​ണ്ടാം പ​കു​തി​യി​ൽ പ​ക്ഷേ ക​ളി​മാ​റി. 47-ാം മി​നി​റ്റി​ൽ ബെ​ൽ​ജി​യം ലീ​ഡ് നേ​ടി. മെ​ർ​ട്ടെ​ൻ​സാ​ണ് ഒരു ഫുള്‍ വോളി ഗോ​ളി​ലൂ​ടെ ബെ​ൽ​ജി​യ​ത്തെ മു​ന്നി​ലെ​ത്തി​ച്ച​ത്. 69-ാം മി​നി​റ്റി​ൽ, ഡി​ബ്രു​യ്നെ-​ലു​കാ​ക്കു-​ഏ​ഡ​ൻ ഹ​സാ​ർ​ഡ് ത്ര​യ​ത്തി​ന്‍റെ കൂ​ട്ടാ​യ മു​ന്നേ​റ്റ​ത്തി​നൊ​ടു​വി​ൽ ലു​കാ​ക്കു ഗോ​ൾ ക​ണ്ടെ​ത്തി. ഓ​ഫ്സൈ​ഡ് കെ​ണി​യി​ൽ​നി​ന്നു പു​റ​ത്തു​ചാ​ടി​യാ​യി​രു​ന്നു ലു​കാ​ക്കു​വി​ന്‍റെ ഹെ​ഡ​ർ. ആ​റു മി​നി​റ്റി​നു​ശേ​ഷം ലു​കാ​ക്കു വീ​ണ്ടും ല​ക്ഷ്യം ക​ണ്ടു. ഹ​സാ​ർ​ഡി​ന്‍റെ പാ​സ് പി​ടി​ച്ചെ​ടു​ത്ത ലു​കാ​ക്കു ബോ​ക്സി​ലേ​ക്ക് ഒ​റ്റ​യ്ക്ക് ഓ​ടി​ക്ക​യ​റി. ബോ​ക്സി​നു​ള്ളി​ൽ​നി​ന്ന് ചി​പ്പ് ചെ​യ്ത് ത​ന്‍റെ ര​ണ്ടാം ഗോ​ളും ബെ​ൽ​ജി​യ​ത്തി​ന്‍റെ മൂ​ന്നാം ഗോ​ളും ലു​കാ​ക്കു കു​റി​ച്ചു.

ലോകകപ്പിലെ മറ്റൊരു മത്സരത്തില്‍ കരുത്തരായ ഇംഗ്ലണ്ട് ദുര്‍ബലരായ ടുണീഷ്യയെ 2-1 ന് പരാജയപ്പെടുത്തി. ഹാരി കെയ്ന്‍ എന്ന നായകന്‍റെ മികവില്‍ ആഫ്രിക്കന്‍ ശക്തികളായ ടുണീഷ്യയെയാണ് ഇംഗ്ലീഷ് പട പരാജയപ്പെടുത്തിയത്. സ്കോര്‍ 2-1. ഒരു ഗോള്‍ വീതം അടിച്ച് സമനില പാലിച്ച് കളിയുടെ ഇഞ്ചുറി ടെെമിലാണ് ഹാരി കെയ്ന്‍ ഇംഗ്ലണ്ടിന്‍റെയും തന്‍റെയും രണ്ടാം ഗോള്‍ സ്വന്തമാക്കുന്നത്.

11-ാം മിനിറ്റില്‍ ഇംഗ്ലണ്ട് ആദ്യ ഗോള്‍ സ്വന്തമാക്കി. ആഷ്‍ലി യംഗ് തൊടുത്ത കോര്‍ണറില്‍ സ്റ്റോണ്‍സിന്‍റെ കരുത്തന്‍ ഹെഡര്‍ വലയിലേക്ക് പാഞ്ഞെങ്കിലും ഹസന്‍ തട്ടിയകറ്റി. റീബൗണ്ട് ചെയ്ത് വന്ന പന്ത് ഹാരി കെയ്ന്‍റെ കാലില്‍. മിന്നുന്ന ഫോമിലുള്ള താരത്തിന് ആളൊഴിഞ്ഞ വലിയിലേക്ക് തട്ടിയിടേണ്ട ചുമതല മാത്രമേയുണ്ടായിരുന്നുള്ളൂ.

ഏറെ കഴിയും മുന്‍പ് ടുണീഷ്യ ഇംഗ്ലണ്ടിന് മറുപടി നല്‍കി. 34-ാം മിനിറ്റില്‍ ഫക്രുദ്ദീന്‍ ബെന്‍ യൂസഫിനെ കെെല്‍ വാല്‍ക്കര്‍ കെെമുട്ട് കൊണ്ട് ഇടിച്ചു വീഴ്ത്തിയതിന് റഫറി പെനാല്‍റ്റി വിധിച്ചു. കിക്കെടുത്ത ഫെര്‍ജാനി സാസിക്ക് പിഴച്ചില്ല. ഗോള്‍ വഴങ്ങിയതോടെ ഇംഗ്ലണ്ടിനും സമ്മര്‍ദമായി.

പിന്നീട് ഇരു ടീമുകളും ഗോള്‍ നേടാന്‍ കഴിയാതെ കഷ്ടപ്പെടുന്ന കാഴ്ചയാണ് കണ്ടത്. എന്നാല്‍,ഇഞ്ചുറി സമയത്ത് ഹാരി കെയ്ന്‍റെ പ്രതിഭ ഇംഗ്ലണ്ടിന് വിജയം സമ്മാനിച്ചു. ട്രിപ്പര്‍ തൊടുത്ത് വിട്ട കോര്‍ണര്‍ മാഗ്യൂയറിന്‍റെ തലയില്‍ തട്ടി വന്നപ്പോള്‍ ആദ്യ ഗോള്‍ നേടിയ പോലെ ഫിനിഷ് ചെയ്യേണ്ട ബാധ്യത മാത്രമായിരുന്നു കെയ്നിന് ഉണ്ടായിരുന്നത്. ആദ്യ ലോകകപ്പ് കളിക്കുന്ന ഇംഗ്ലീഷ് നായകന് സ്വപ്ന സമാനമായ തുടക്കമാണ് ലഭിച്ചിരിക്കുന്നത്.