വിചാരണയ്ക്ക് വനിതാ ജഡ്ജി വേണമെന്ന ആവശ്യവുമായി നടി ഹൈക്കോടതിയിൽ

വിചാരണയ്ക്ക് വനിതാ ജഡ്ജി വേണമെന്ന ആവശ്യവുമായി ആക്രമിക്കപ്പെട്ട നടി ഹൈക്കോടതിയിൽ ഹർജി നൽകി.  നടിയുടെ ഇതേ ആവശ്യം വിചാരണാ കോടതിയായ എറണാകുളം പ്രിൻസിപ്പൽ സെഷൻസ് കോടതി നേരത്തെ തള്ളിയിരുന്നു.

ഇതേ തുടർന്നാണ് നടി ഹൈക്കോടതിയെ സമീപിക്കാൻ തീരുമാനിച്ചത്. നിർഭയ കേസിനു ശേഷം ബലാൽസംഗക്കേസുകളിൽ ഇരകൾ ആവശ്യപ്പെട്ടാൽ വനിതാ ജഡ്ജിയെ നിയമിക്കണമെന്ന് നിയമ ഭേദഗതി ഉണ്ടന്നും ഹർജിയിൽ പറയുന്നു. കേസ് കോടതി പിന്നീട്
പരിഗണിക്കും.