‘എവിടെ…എവിടെ…ഇപ്പോ എറിഞ്ഞ പന്ത് എവിടെ?’ വിചിത്ര നോബോള്‍ കാണാം (വീഡിയോ)
0 minutes Read
നോബോള്‍ എറിയാന്‍ താല്‍പര്യമില്ലാത്തവരാണ് ഭൂരിഭാഗം ബൗളര്‍മാരും. നോബോളിന് ഒരു റണ്‍ അധികം പോകും എന്നതിനപ്പുറം ബാറ്റ്‌സ്മാന് ഫ്രീ ഹിറ്റ് ആനുകൂല്യം ലഭിക്കും എന്ന കാരണമാണ് നോബോളിനെ ബൗളേഴ്‌സ് വെറുക്കാനുള്ള കാരണം.
ഇതിനിടയിലാണ് ക്രിക്കറ്റ് ചരിത്രത്തിലെ തന്നെ വിചിത്ര നോബോളുമായി കരീബിയന്‍ താരമെത്തിയത്. വെസ്റ്റ് ഇന്‍ഡീസ് ഫാസ്റ്റ് ബൗളര്‍ ഷെല്‍ഡന്‍ കോട്രെലിന്റെ ഡെലിവറിയിലാണ് അസാധാരണ നോബോള്‍ പിറന്നത്. ബംഗ്ലാദേശിനെതിരായ ഏകദിന പരമ്പരയിലെ മൂന്നാമത്തെ മത്സരത്തിലാണ് സംഭവം നടക്കുന്നത്.
ഷെല്‍ഡന്‍ എറിഞ്ഞ പന്ത് ബാറ്റ്‌സ്മാനും വിക്കറ്റ് കീപ്പര്‍ക്കും തൊടാനായില്ല. പന്ത് നേരെ പോയത് സെക്കന്‍ഡ് സ്ലിപ്പിലേക്ക്!!! അമ്പയര്‍ ഉയനെ തന്നെ നോബോള്‍ വിളിച്ചെങ്കിലും ആ പന്ത് എങ്ങനെ സെക്കന്‍ഡ് സ്ലിപ്പിലേക്കെത്തിയെന്ന് ആലോചിക്കുമ്പോള്‍ ക്രിക്കറ്റ് പ്രേമികള്‍ ചിരിക്കാന്‍ തുടങ്ങും. മോശം ഡെലിവറിയെ തുടര്‍ന്ന് കോട്രെലിന്‍ പിന്നീട് ക്ഷമ ചോദിക്കുകയും ചെയ്തു. മത്സരത്തില്‍ 18 റണ്‍സിനായിരുന്നു ബംഗ്ലാദേശിന്റെ വിജയം.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English