‘ആചാരം മാത്രം’; തൃശൂരില്‍ നാളെ പുലിയിറങ്ങും

പ്രളയക്കെടുതിയുടെ പശ്ചാത്തലത്തില്‍ നാലോണ ദിനത്തില്‍ വര്‍ഷം തോറും നടത്തിവരാറുള്ള തൃശൂര്‍ നഗരിയിലെ പുലിക്കളി ഒഴിവാക്കി. എന്നാല്‍, പുലികളി പ്രേമികളുടെ അഭ്യര്‍ത്ഥന മാനിച്ച് ചെറിയൊരു ചടങ്ങ് മാത്രമായി നടത്താന്‍ അധികൃതര്‍ തീരുമാനമെടുത്തു. നാളെ വൈകുന്നേരം അഞ്ചിന് സ്വരാജ് റൗണ്ടില്‍ 11 പുലികള്‍ ഇറങ്ങും. 11 സംഘങ്ങളെ പ്രതിനിധീകരിച്ച് ഓരോരുത്തര്‍ വീതം പുലി വേഷം കെട്ടി നഗരത്തെ വലംവെക്കും. പ്രളയക്കെടുതിയുടെ പശ്ചാത്തലത്തില്‍ പുലിക്കളിക്കുള്ള ഭീമമായ ചെലവ് ഉപേക്ഷിച്ച് കേരളത്തിനായി കൈതാങ്ങാകുകയാണ് പുലിക്കളി സംഘങ്ങള്‍.