“അവര്‍ നല്‍കിയ 40,000 രൂപ ഏറ്റുവാങ്ങിയപ്പോള്‍ എന്റെ കണ്ണുനിറഞ്ഞുപോയി”

പ്രളയദുരന്തത്തെ അതിജീവിക്കുകയാണ് കേരളം. ഉള്ളവനും ഇല്ലാത്തവനും ഒരേ മനസ്സോടെ മലയാള നാടിന് വേണ്ടി എല്ലാം സമര്‍പ്പിക്കുന്നു. ഇങ്ങനെ ലഭിച്ച 40,000 രൂപ തന്റെ കണ്ണു നിറച്ചതായി കൃഷിമന്ത്രി വി.എസ് സുനില്‍കുമാര്‍.

മുഖ്യമന്ത്രിയുടെ ദുരിതാശ്വാസ നിധിയിലേക്ക് വൃദ്ധസദനത്തിലെ അന്തേവാസികളാണ് 40,000 രൂപ നല്‍കിയത്. തൃശൂർ രാമവർമപുരം വൃദ്ധസദനത്തിലെ അമ്മമാരും അച്ഛമാരും ചേർന്ന് പായയും ചവിട്ടിയും അച്ചാറുമൊക്കെ ഉണ്ടാക്കി വിറ്റുകിട്ടിയ തുകയാണ് ദുരിതാശ്വാസ നിധിയിലേക്ക് നൽകിയതെന്നും മന്ത്രി വി.എസ് സുനില്‍കുമാര്‍ ഫേസ്ബുക്ക് പോസ്റ്റില്‍ കുറിച്ചു.