‘മീ ടൂ’ ആരോപണം; കേന്ദ്രമന്ത്രി എം.ജെ അക്ബര്‍ മാനനഷ്ടക്കേസ് നല്‍കി

മീ ടൂ കാമ്പയിനിലൂടെ ലൈംഗികാരോപണം നേരിടുന്ന കേന്ദ്രസഹമന്ത്രി എം.ജെ അക്ബര്‍ മാനനഷ്ടക്കേസ് സമര്‍പ്പിച്ചു. മാധ്യമ പ്രവര്‍ത്തക പ്രിയാ രമണിക്കെതിരെയാണ് ഡല്‍ഹി പട്യാല ഹൗസ് കോടതിയില്‍ അക്ബര്‍ മാനനഷ്ടക്കേസ് നല്‍കിയിരിക്കുന്നത്. പ്രിയാ രമണിയാണ് അക്ബറിനെതിരെ ആദ്യം മീ ടൂ ക്യാംപയിനിലൂടെ ലൈംഗികാരോപണം ഉന്നയിച്ചത്. ഒക്ടോബര്‍ എട്ടിനാണ് രമണി ട്വിറ്ററിലൂടെ എം.ജെ അക്ബറിനെതിരെ ആരോപണം ഉന്നയിച്ചത്. 1997 ല്‍ നടന്ന സംഭവമാണിതെന്നും പ്രിയാ രമണി ട്വിറ്ററില്‍ വ്യക്തമാക്കിയിരുന്നു.