19
Apr 2019
Friday
Election Expert

ടൊവിനോവിന്റെ ഓര്‍മ്മക്കുറിപ്പുകള്‍ (സിനിമയിലല്ല)

tovino book

നടന്‍ എന്ന പേരില്‍ മാത്രമായിരിക്കില്ല ടൊവീനോ ഇനി അറിയപ്പെടുക, പ്രളയ കാലത്തെ പ്രവര്‍ത്തനങ്ങളില്‍ അത് തെളിഞ്ഞതുമാണ്. എന്നാല്‍ പറഞ്ഞ് വരുന്നത് അതെ കുറിച്ച് ഒന്നും അല്ല. ടൊവീനോ തന്റെ ഓര്‍മ്മക്കുറിപ്പുകള്‍ പുസ്തകമായി പുറത്തിറക്കിയിരിക്കുകയാണ്. ഷാര്‍ജ പുസ്തകോത്സവത്തിലായിരുന്നു പ്രകാശനം. പല കാലങ്ങളിലെ പല വിഷയങ്ങളെക്കുറിച്ചുമുളള ഓര്‍മ്മകളാണ് നടന്‍ തന്റെ പുസ്തകത്തില്‍ പങ്കുവെക്കുന്നത്. ഒരു കുസുപ്രസിദ്ധ പയ്യന്റെ ഓര്‍മ്മക്കുറിപ്പുകള്‍ എന്ന പേരിലാണ് നടന്റെ പുസ്തകം എത്തുന്നത്. മുപ്പത് അധ്യായങ്ങളാണ് പുസ്തകത്തിലുളളത്. ഇതില്‍ തന്റെ ആദ്യകാലം മുതല്‍ ഇപ്പോള്‍ സിനിമാ നടനെന്ന നിലയിലുളളത് വരെയുളള ഓര്‍മ്മകളാണ് ടൊവിനോ പങ്കുവെക്കുന്നത്. കഥാകൃത്തും നോവലിസ്റ്റുമായ വി.എച്ച് നിഷാദാണ് പുസ്തകത്തിന്റെ എഡിറ്റര്‍. ഇന്‍സൈറ്റ് പബ്ലിക്കയാണ് പുസ്തകം പ്രസിദ്ധീകരിച്ചത്. ഓര്‍മ്മകളും അനുഭവങ്ങളും പങ്കുവെക്കാന്‍ തന്നെ പ്രാപ്തനാക്കിയ പരിചിതരും അപരിചിതരുമായ മനുഷ്യര്‍ക്കാണ് ടൊവിനോ തന്റെ ആദ്യ പുസ്തകം സമര്‍പ്പിച്ചത്.

കുപ്രസിദ്ധ പയ്യനാണ് ടൊവീനൊയുടെ പുതിയ ചിത്രം. മധുപാല്‍ സംവിധാനം ചെയ്യുന്ന ചിത്രം നവംബര്‍ ഒമ്പതിനാണ് തീയറ്ററുകളില്‍ എത്തുന്നത്. ജീവന്‍ ജോബ് തോമസിന്റേതാണ് തിരക്കഥ. ശ്രീകുമാരന്‍ തമ്പിയുടെ വരികള്‍ക്ക് ഈണം നല്‍കിയിരിക്കുന്നത് ഔസേപ്പച്ചനാണ്. നെടുമുടി വേണു ശക്തമായ കഥാപാത്രത്തെ അവതരിപ്പിക്കുന്നു. അനു സിത്താരയാണ് ചിത്രത്തില്‍ നായികയായെത്തുന്നത്. നിമിഷ സജയന്‍, ശരണ്യ, സിദ്ധിഖ്, ബാലു വര്‍ഗീസ്, അലന്‍സിയര്‍ എന്നിവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നു

 


ആർക്കൊപ്പം കേരളം? അഭിപ്രായ സർവേ 2019, നാളെ രാത്രി 7 മണി മുതൽ 24ൽ
Top