വനിതാ മതിലുമായി ബന്ധപ്പെട്ട പരാതികളുടെ എണ്ണം വര്‍ധിക്കുന്നു (വീഡിയോ)

പുതുവര്‍ഷ ദിനത്തില്‍ സിപിഎം നേതൃത്വത്തില്‍ സംഘടിപ്പിക്കുന്ന വനിതാ മതിലുമായി ബന്ധപ്പെട്ട പരാതികളുടെ എണ്ണം കൂടുകയാണ്. ക്ഷേമ പെന്‍ഷനില്‍ നിന്ന് ഉപഭോക്താക്കളുടെ അനുമതിയില്ലാതെ പണം പിരിക്കുന്നു, തൊഴിലുറപ്പ് പണി വൈകിപ്പിക്കുന്നു, വനിതാ മതിലില്‍ വിദ്യാര്‍ത്ഥികളെയും ജീവനക്കാരെയും പങ്കെടുപ്പിക്കണമെന്ന് കാണിച്ച് സര്‍ക്കുലര്‍ ഇറങ്ങി, സാങ്കേതിക സര്‍വകലാശാല ജനുവരി ഒന്നിന് നടത്താനിരുന്ന പരീക്ഷകള്‍ മാറ്റിവെച്ചു തുടങ്ങിയ പരാതികളാണ് ഉയരുന്നത്. സര്‍ക്കാര്‍ സംവിധാനങ്ങളെ വനിതാ മതിലിനായി ഉപയോഗിക്കുന്നെന്ന പ്രതിപക്ഷത്തിന്റെ ആരോപണം ശരിവെയ്ക്കുന്ന രീതിയിലാണ് കാര്യങ്ങള്‍ മുന്നോട്ടുപോകുന്നത്.