നെടുമങ്ങാട് ബോംബേറ് കേസ്; പ്രതിയായ ആര്‍.എസ്.എസ് പ്രവര്‍ത്തകനെതിരെ ലുക്ക്ഔട്ട് നോട്ടീസ്

നെടുമങ്ങാട് ബോംബേറ് കേസിലെ മുഖ്യപ്രതി ആര്‍.എസ്.എസ് ജില്ലാ പ്രചാരക് പ്രവീണിനെതിരായി ലുക്ക് ഔട്ട് നോട്ടീസ് പുറപ്പെടുവിച്ചു. സംഘർഷത്തിൽ എസ്.ഐ സുനിൽ ഗോപിയുടെ കൈ ഒടിഞ്ഞിരുന്നു. കേസിൽ മൂന്നു പേരെ മാത്രമാണ് ഇതുവരെ പിടികൂടാനായത്. ഇതിൽ ഒരാൾ ഒളിവിൽ കഴിയുന്ന പ്രവീണിന്റെ സഹോദരനാണ്. അതിനിടെ കൈരളി ടി.വി.ക്യാമറ പേഴ്സൺ ഷാജിലയെ ആക്രമിച്ച ആർ.എസ്.എസ് പ്രവർത്തകനെ റിമാൻഡ് ചെയ്തു. വാഴോട്ടുകോണം സ്വദേശി സന്തോഷിനെയാണ് കന്റോൺമെന്റ് പൊലീസ് റിമാൻഡ് ചെയ്തത്.