ആലപ്പാട് കരിമണല്‍ ഖനനം; മനുഷ്യാവകാശ കമ്മീഷന്‍ ഇടപെടുന്നു

ആലപ്പാട്ടെ കരിമണൽ ഖനനത്തിൽ സംസ്ഥാന മനുഷ്യാവകാശ കമ്മീഷന്‍ ഇടപെടുന്നു. വ്യവസായ വകുപ്പ് പ്രിൻസിപ്പൽ സെക്രട്ടറി, കൊല്ലം ജില്ലാ കളക്ടർ, ചവറ ഐ.ആര്‍.ഇ ജനറൽ മാനേജർ എന്നിവരോട് കമ്മീഷന്‍ റിപ്പോർട്ട് തേടി. മൂന്നാഴ്ചക്കകം വിശദ റിപ്പോർട്ട് നൽകാനാണ് മനുഷ്യാവകാശ കമ്മിഷനംഗം കെ. മോഹൻകുമാർ ആവശ്യപ്പെട്ടിരിക്കുന്നത്. ലീഗൽ സർവീസ് വോളന്റിയറായ രാജു മത്തായിയുടെ പരാതിയിലാണ് നടപടി.