സംവിധായകന്‍ പ്രിയനന്ദന് നേരെ ആക്രമണം

സംവിധായകൻ പ്രിയനന്ദന് നേരെ ആക്രമണം.  തൃശൂർ വളച്ചിറയിലെ വീടിനു സമീപമാണ് ആക്രമണമുണ്ടായത്. പുലർച്ചക്ക് വീടിനടുത്തു വെച്ച് പിന്നിലൂടെ വന്ന് ഒരാള്‍ ചാണകവെള്ളം ഒഴിച്ചതിന് ശേഷം ആക്രമിക്കുകയായിരുന്നു.  ചെവിയുടെ ഭാഗത്ത് പരിക്കുണ്ട്. ബിജെപി പ്രവർത്തകരാണ് മർദ്ധിച്ചതെന്ന് പ്രിയനന്ദന്‍ ആരോപിച്ചു.  നേരത്തെ ശബരിമല വിഷയത്തിൽ പ്രിയനന്ദന്റെ പോസ്റ്റ് അപകീർത്ഥികരമാണെന്നു കാണിച്ച് ബിജെപി പ്രവർത്തകർ ഭീഷണി മുഴക്കിയിരുന്നു. ബി.ജെ.പി.നേതാവ് ഗോപാലകൃഷ്ണനും അക്രമിക്കുമെന്ന് ഭീഷണിപ്പെടുത്തിയിരുന്നു.