മൂന്നാം ഏകദിനം; ന്യൂസീലന്‍ഡിന് അഞ്ചാം വിക്കറ്റും നഷ്ടമായി

ഇന്ത്യ-ന്യൂസീലന്‍ഡ് മൂന്നാം ഏകദിനമത്സരത്തില്‍ ന്യൂസീലന്‍ഡിന് 5 വിക്കറ്റുകള്‍ നഷ്ടമായി. മാര്‍ട്ടിന്‍ ഗുപ്റ്റില്‍ (13), കോളിന്‍ മണ്‍റോ(7), ക്യാപ്റ്റന്‍ കെയിന്‍ വില്ല്യംസണ്‍(28), ടോം ലാഥം(51), ഹെന്റി നിക്കോള്‍സ്(6) എന്നിവരാണ് പുറത്തായത്. യുസ്‌വേന്ദ്ര ചാഹല്‍ രണ്ട് വിക്കറ്റും ഭുവനേശ്വര്‍ കുമാര്‍, മുഹമ്മദ് ഷമി, ഹാര്‍ദിക് പാണ്ഡ്യ എന്നിവര്‍ ഓരോ വിക്കറ്റ് വീതവും വീഴ്ത്തി.

മത്സരം 40 ഓവര്‍ പിന്നിടുമ്പോള്‍ കിവീസ് 5 വിക്കറ്റ് നഷ്ടത്തില്‍ 194 റണ്‍സ് എന്ന നിലയിലാണ്. ടോസ് നേടിയ ന്യൂസീലന്‍ഡ് ബാറ്റിങ്‌ തിരഞ്ഞെടുക്കുകയായിരുന്നു. അഞ്ച് മത്സരങ്ങളടങ്ങിയ പരമ്പരയില്‍ ഇന്ത്യ 2-0 ത്തിന് മുന്നിലാണ്. ഈ മത്സരം കൂടി ജയിക്കാനായാല്‍ ഇന്ത്യയ്ക്ക് പരമ്പര സ്വന്തമാക്കാം.