കണ്ണൂരില്‍ തേനീച്ചയുടെ കുത്തേറ്റ് ഒരാൾ മരിച്ചു

കണ്ണൂര്‍ ഉദയഗിരിയില്‍ തേനീച്ചയുടെ  കുത്തേറ്റ് ഒരാൾ മരിച്ചു. മൂന്ന് പേർക്ക് പരിക്കേറ്റു. തൊമരക്കാട്ടെ തട്ടാപ്പറമ്പിൽ ജോസഫ് (65) ആണ് മരിച്ചത്. തട്ടാപ്പറമ്പിൽ ദേവസ്യ, മാളിയേക്കൽ ഏലിയാമ്മ, തട്ടാപ്പറമ്പിൽ മിനി എന്നിവർക്കാണ് പരിക്കേറ്റത്. ഗുരുതരമായി പരിക്കേറ്റ ഇവരെ കരുവാഞ്ചിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.

Read More:ഗ്രീൻഫീൽഡ് സ്റ്റേഡിയത്തിൽ കളി കാണാനെത്തിയവർക്ക് നേരെ തേനീച്ച കൂട്ടത്തിന്റെ ആക്രമണം (വീഡിയോ

കഴിഞ്ഞദിവസം വൈകിട്ടോടെയായിരുന്നു സംഭവം. വീട്ടുമുറ്റത്തു നിൽക്കുകയായിരുന്ന ജോസഫിനെ തേനീച്ചക്കൂട്ടം ആക്രമിക്കുകയായിരുന്നു. ബഹളം കേട്ട് ഓടിയെത്തിയവർക്കാണ് പരിക്കേറ്റത്.റോസമ്മയാണ് മരിച്ച ജോസഫിന്റെ ഭാര്യ. മക്കൾ: ബീന, ബിജു, വിനു. സംസ്കാരം ബുധനാഴ്ച മൂന്നുമണിക്ക് ഉദയഗിരി സെന്റ് മേരീസ് ദേവാലയത്തിൽ.

Read More:തേനിച്ചകളുടെ ‘കണക്കുകൂട്ടല്‍’ ശരിയാണെന്ന് ഗവേഷകര്‍

രണ്ട് മാസത്തിനിടെ തേനീച്ചയുടെ ആക്രമണത്തിൽ മരിക്കുന്ന നാലാമത്തെ ആളാണ് ജോസഫ്. മൂവാറ്റുപുഴ സ്വദേശിയായ 13കാരി ഉൾപ്പെടെയാണ് നേരത്തെ തേനീച്ചക്കുത്തേറ്റ് മരിച്ചത്.