പിണറായി വിജയന്‍ സ്റ്റാലിനിസ്റ്റാണെന്ന് ആര്‍എസ്പി ദേശീയ ജനറല്‍ സെക്രട്ടറി
1 minute Read
പിണറായി വിജയന്‍ സ്റ്റാലിനിസ്റ്റായതു കൊണ്ടാണ് കേരളത്തില്‍ ഇടത് ഐക്യം സാധ്യമാകാത്തതെന്ന് ആര്‍എസ്പി ദേശീയ ജനറല്‍ സെക്രട്ടറി ക്ഷിതി ഗോസ്വാമി. പാര്‍ട്ടി നിലപാടുകള്‍ക്ക് വിധേയനാകാതെ സ്വന്തം നിലപാടുകള്‍ അനുസരിച്ച് മാത്രമാണ് പിണറായി വിജയന്‍ പ്രവര്‍ത്തിക്കുന്നതെന്ന് സീതാറാം യെച്ചൂരി തങ്ങളെ അറിയിച്ചിട്ടുണ്ടെന്നും ആര്‍.എസ്.പി ജനറല്‍ സെക്രട്ടറി ട്വന്റി ഫോറിനോട് പറഞ്ഞു. കഴിഞ്ഞ ലോക്‌സഭാ തിരഞ്ഞെടുപ്പില്‍ പ്രേമചന്ദ്രന് കൊല്ലത്ത് സീറ്റ് നിഷേധിച്ചതില്‍ സിപിഎം നേതാക്കള്‍ക്ക് വിയോജിപ്പുണ്ടെന്നും എം.എ ബേബി അടക്കമുള്ള നേതാക്കളുടെ വിയോജിപ്പ് ആര്‍എസ്പി യെ അറിയിച്ചിട്ടുണ്ടെന്നും ക്ഷിതി ഗോസ്വാമി പറഞ്ഞു.
Read Also: കേരളത്തിലെ ഇടത് മുന്നണി സഹകരണം അടഞ്ഞ അധ്യായമല്ലെന്ന് ആര്‍.എസ്.പി
കേരളത്തിലെ ഇടത് മുന്നണി സഹകരണം അടഞ്ഞ അധ്യായമല്ലെന്നും ആര്‍.എസ്.പി. കേരളത്തില്‍ എല്‍.ഡി.എഫുമായി സഹകരിയ്ക്കാന്‍ തയ്യാറാണെന്നും ക്ഷിതി ഗോസ്വാമി നേരത്തെ പറഞ്ഞിരുന്നു. സി.പി.എം സെന്‍ട്രല്‍ കമ്മിറ്റി ക്ഷണിച്ചാല്‍ തുറന്ന മനസോടെ വിഷയം പരിഗണിക്കുമെന്നായിരുന്നു ആര്‍എസ്പിയുടെ നിലപാട്. വിഷയങ്ങള്‍ സൗഹാര്‍ദപരമായി പറഞ്ഞ് തീര്‍ക്കാന്‍ സാധിക്കുമെങ്കില്‍ അതിന് തയ്യാറാണെന്നും കൊല്ലം സീറ്റില്‍ മത്സരിക്കാന്‍ അനുവാദം നല്‍കണം എന്ന വ്യവസ്ഥ മാത്രമേ പാര്‍ട്ടിക്ക് ഉള്ളൂവെന്നും ക്ഷിതി ഗോസ്വാമി നേരത്തെ വ്യക്തമാക്കിയിരുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English