തലശേരിയില്‍ ബിജെപി ഓഫീസിന് മുന്നില്‍ കുറ്റിക്കാട് വൃത്തിയാക്കുന്നതിനിടെ ബോംബ് പൊട്ടി; 3 പേര്‍ക്ക് പരിക്ക്

കണ്ണൂര്‍ തലശേരിയില്‍ ബിജെപി ഓഫീസിന് മുന്നിലെ കുറ്റിക്കാട് വൃത്തിയാക്കുന്നതിനിടെ ബോംബ് പൊട്ടി. മൂന്ന് തൊഴിലാളികള്‍ക്ക് പരിക്കേറ്റു. വ്യാഴാഴ്ച ഉച്ചയോടെയാണ് സംഭവം. ആരുടേയും നില ഗുരുതരമല്ലെന്നാണ് വിവരം.

ഇതര സംസ്ഥാന തൊഴിലാളികളായ പ്രവീണ്‍, സക്കീര്‍, റഫീക്ക് എന്നിവര്‍ക്കാണ് പരിക്കേറ്റത്. ഒരാളുടെ തലയ്ക്കാണ് പരിക്കേറ്റിരിക്കുന്നത്. മറ്റ് രണ്ടുപേരുടെ കൈയ്ക്കും കാലിനുമാണ് പരിക്ക്. മൂന്ന് പേരെയും തലശേരി ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവത്തില്‍ പൊലീസ് അന്വേഷണം ആരംഭിച്ചു. രാഷ്ട്രീയ സംഘര്‍ഷങ്ങളുടെ ഭാഗമായി സൂക്ഷിച്ച ബോംബുകളാണോ പൊട്ടിയതെന്ന് പൊലീസ് പരിശോധിച്ചുവരികയാണ്.