പുല്‍വാമ ഭീകരാക്രമണത്തെ ഇമ്രാന്‍ഖാന്‍ അപലപിക്കാത്തത് സംശയകരമെന്ന് അമിത് ഷാ

പുല്‍വാമയിലുണ്ടായ ഭീകരാക്രമണത്തെ പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന്‍ ഇതുവരെ അപലപിക്കാത്തതെന്താണെന്ന് ബിജെപി ദേശീയ അധ്യക്ഷന്‍ അമിത് ഷാ. പുല്‍വാമ ആക്രമണത്തില്‍ എന്ത് സമ്മര്‍ദ്ദമാണ് ഇമ്രാന്‍ഖാനുള്ളതെന്നും ഈ വിഷയത്തിലെ മൗനം സംശയകരമാണെന്നും അമിത് ഷാ പറഞ്ഞു.

പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാനെ എങ്ങനെ വിശ്വസിക്കുമെന്നും അമിത്  ഷാ ചോദിച്ചു. പാക്കിസ്ഥാനില്‍ സൈന്യമാണ് കാര്യങ്ങളെല്ലാം നിയന്ത്രിക്കുന്നത്. ഇമ്രാന്‍ ഖാന്‍ പാക് സൈന്യത്തിന്റെ കൈയ്യിലെ കളിപ്പാവയാണെന്നും അമിത് ഷാ മാധ്യമങ്ങളോടു പറഞ്ഞു.