സംസ്ഥാനത്തെ പത്തു ജില്ലകളിൽ ചൊവ്വാഴ്ച വരെ സൂര്യാഘാത- സൂര്യാതപ മുന്നറിയിപ്പ്

സംസ്ഥാനത്തെ പത്തു ജില്ലകളിൽ ചൊവ്വാഴ്ച വരെ സൂര്യാഘാത- സൂര്യാതപ മുന്നറിയിപ്പ്. ഈ ജില്ലകളിൽ ചൂടിന്റെ കാഠിന്യം ഇനിയും കൂടുമെന്ന് സംസ്ഥാന ദുരന്ത നിരന്ത നിവാരണ അതോറിറ്റി മുന്നറിയിപ്പു നൽകി.

തിരുവനന്തപുരം, കൊല്ലം, പത്തനംതിട്ട,ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്, കോഴിക്കോട്, കണ്ണൂര്‍ എന്നീ ജില്ലകളിലാണ് ഞായറാഴ്ച വരെ ഉയര്‍ന്ന താപനില ശരാശരിയില്‍ നിന്നും 2 മുതല്‍ 3 ഡിഗ്രി വരെ വര്‍ധിക്കാന്‍ സാധ്യതയുള്ളത്. ഞായർ, തിങ്കൾ ദിവസങ്ങളിൽ കൊല്ലം, ആലപ്പുഴ, കോട്ടയം, എറണാകുളം, തൃശ്ശൂര്‍ ജില്ലകളില്‍ ഉയര്‍ന്ന താപനില ശരാശരിയില്‍ നിന്ന് 3 മുതല്‍ 4 ഡിഗ്രി സെല്‍ഷ്യസ് വരെയും തിരുവനന്തപുരം, പത്തനംതിട്ട, പാലക്കാട്, മലപ്പുറം, കോഴിക്കോട്, കണ്ണൂര്‍ എന്നീ ജില്ലകളില്‍ ഉയര്‍ന്ന താപനില ശരാശരിയില്‍ നിന്ന് 2 മുതല്‍ 3 ഡിഗ്രി സെല്‍ഷ്യസ് വരെയും ഉയരാന്‍ സാധ്യതയുണ്ട്. ചൊവ്വാഴ്ച വരെ തീവ്രത കുറഞ്ഞ മഴയ്ക്ക് മാത്രമാണ് സാധ്യതയുള്ളത്. അന്തരീക്ഷ താപനില അസാധാരണമായി ഉയരുന്ന സാഹചര്യത്തില്‍ സുര്യാഘാതമൊഴിവാക്കാന്‍ പൊതുജനങ്ങള്‍ പ്രത്യേകം ശ്രദ്ധിക്കണമെന്ന് ദുരന്ത നിവാരണ അതോറിറ്റി മുന്നറിയിപ്പ് നല്‍കുന്നു.

Read Also : സൂര്യാഘാതം; കേരള പൊലീസിന്റെ മുന്നറിയിപ്പ് ‘ട്രോള്‍’

പകല്‍ 11 മുതല്‍ 3 മണി വരെ നേരിട്ട് സൂര്യപ്രകാശം എല്‍ക്കുന്നതിന് ഒഴിവാക്കണം എന്നാണ് കര്‍ശന നിര്‍ദ്ദേശം. നിര്‍ദ്ദേശം പാലിക്കുന്നുണ്ടോ എന്നറിയാന്‍ ലേബര്‍ ഓഫീസറുടെ നേതൃത്വത്തില്‍ പരിശോധനയും നടത്തും. തിരുവനന്തപുരം നഗരത്തില്‍ നിര്‍ദ്ദേശം അവഗണിച്ച് പ്രവര്‍ത്തിച്ച രണ്ട് സൈറ്റുകളില്‍ പരിശോധനയെ തുടര്‍ന്ന് ജോലി നിര്‍ത്തി വെപ്പിച്ചു