ജിദ്ദയിൽ തലശ്ശേരി കാർണിവൽ സംഘടിപ്പിച്ചു

ജിദ്ദയിൽ തലശ്ശേരി മാഹി വെൽഫെയർ അസോസിയേഷന്റെ നേതൃത്വത്തിൽ തലശ്ശേരി കാർണിവൽ സംഘടിപ്പിച്ചു. പഴയകാല തലശ്ശേരി കാർണിവലിനെ ഓർമിപ്പിച്ചുകൊണ്ടു ഹംദാനിയയിൽ നടന്ന പരിപാടി ജനപങ്കാളിത്തം കൊണ്ടും വൈവിധ്യമാർന്ന പരിപാടികൾ കൊണ്ടും ശ്രദ്ധേയമായി. പരിപാടിയോടനുബന്ധിച്ച് ഒരുക്കിയ ഭക്ഷണശാലകളിൽ പ്രധാന തലശ്ശേരി വിഭവങ്ങളെല്ലാം തയ്യാറാക്കിയിരുന്നു. ഒപ്പന, കോൽക്കളി തുടങ്ങിയ വിവിധ കലാപരിപാടികൾ കാർണിവലിൽ ഉണ്ടായിരുന്നു. സുബൈർ ഹാജി ഉദ്ഘാടനം നിർവഹിച്ചു.