തെലങ്കാന മുഖ്യമന്ത്രി ചന്ദ്രശേഖർ റാവു പിണറായി വിജയനെ സന്ദർശിച്ചു

തെലങ്കാന മുഖ്യമന്ത്രി കെ. ചന്ദ്രശേഖർ റാവു മുഖ്യമന്ത്രി പിണറായി വിജയനെ സന്ദർശിച്ചു. രണ്ട് ദിവസത്തെ കേരള സന്ദർശനത്തിനെത്തിയ ചന്ദ്രശേഖർ റാവു രാത്രി 8 മണിയോടെയാണ് ക്ലിഫ് ഹൗസിലെത്തി പിണറായി വിജയനുമായി കൂടിക്കാഴ്ച നടത്തിയത്.

ഭാര്യ  ശോഭയ്ക്കും പേരക്കുട്ടികൾക്കും പുറമേ ടി.ആർ.എസ്.  എം.പിമാരായ സന്തോഷ്‌കുമാർ, വിനോദ്കുമാർ എന്നിവരും തെലങ്കാന മുഖ്യമന്ത്രിയോടൊപ്പമുണ്ടായിരുന്നു. ഇന്ന് കോവളത്ത് തങ്ങുന്ന ചന്ദ്രശേഖർ റാവു ബുധനാഴ്ച ഉച്ചയ്ക്കു ശേഷം കന്യാകുമാരിയിലേക്ക് പോകും.