പ്രജ്ഞാ സിംഗ് താക്കൂർ കൂറ്റൻ വിജയത്തിലേക്ക്

മലേഗാവ് സ്ഫോറ്റനക്കേസ് പ്രതിയും ഭോപ്പാലിലെ ബിജെപി സ്ഥാനാർത്ഥിയുമായ പ്ര​ജ്ഞാ സിം​ഗ് താ​ക്കൂ​ർ കൂറ്റൻ വിജയത്തിലേക്ക്. കോ​ൺ​ഗ്ര​സ് നേ​താ​വ് ദി​ഗ്‌​വി​ജ​യ് സിം​ഗുമായി ര​ണ്ടു ല​ക്ഷ​ത്തോ​ളം വോ​ട്ടു​ക​ളു​ടെ ഭൂ​രി​പ​ക്ഷ​മാണ് നിലവിൽ പ്രജ്ഞയ്ക്കുള്ളത്. ഇതുവരെ പ്ര​ജ്ഞ​യ്ക്കു ലഭിച്ചത് 5,21,122 വോ​ട്ടു​ക​ളാണ്. അതേ സമയം മുൻ മു​ഖ്യ​മ​ന്ത്രി കൂടിയായ ദി​ഗ്‌​വി​ജ​യ് സിം​ഗി​ന് 3,28,536 വോ​ട്ടു​കൾ മാത്രമാണ് ല​ഭി​ച്ച​ത്. ത​ന്‍റെ വി​ജ​യം അ​ധ​ർ​മ​ത്തി​നെ​തി​രാ​യു​ള്ള ധ​ർ​മ​ത്തി​ന്‍റെ വി​ജ​യ​മാ​ണെന്നും ഭോ​പ്പാ​ലി​ലെ ജ​ന​ങ്ങ​ൾ​ക്ക് ന​ന്ദി​പ​റ​യു​ന്നുവെന്നും പ്ര​ജ്ഞാ സിം​ഗ് പ​റ​ഞ്ഞു.

മൂ​ന്നാം സ്ഥാ​ന​ത്തെ​ത്തി​യ ബി​എ​സ്പി​യു​ടെ മ​ധോ സിം​ഗ് അ​ഹി​ർ​വാ​റി​ന് 6,207 വോ​ട്ടു​ക​ൾ മാ​ത്ര​മാ​ണ് ഇ​തു​വ​രെ നേ​ടാ​നാ​യ​ത്. നാ​ലാം സ്ഥാ​ന​ത്തുള്ള റി​ട്ട. ഐ​എ​എ​സു​കാ​രി ഡോ.​വീ​ണ ഖ​നേ​ക്ക​റി​ന് ലഭിച്ചത് 1,948 വോ​ട്ടുകൾ മാത്രം.

മു​പ്പ​തു​വ​ർ​ഷ​മാ​യി ബി​ജെ​പി മാ​ത്ര​മാ​ണ് ഭോ​പ്പാ​ലി​ൽ ജ​യി​ച്ചു​വ​രു​ന്ന​ത്. ഇവിടെ 2014-ൽ വിജയിച്ചത് ​ബി​ജെ​പി​യു​ടെ അ​ശോ​ക് സ​ഞ്ജാ​ർ ആയിരുന്നു. മൂ​ന്നു ല​ക്ഷം വോട്ടുകളുടെ ഭൂ​രി​പ​ക്ഷ​ത്തി​ലാ​യി​രു​ന്നു വി​ജ​യം.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top