നിപ നിയന്ത്രണ വിധേയം; എറണാകുളം ജില്ലയിലെ സ്‌കൂളുകൾ തുറക്കുന്നത് 6 ന് തന്നെയെന്ന് കളക്ടർ

നിപയുമായി ബന്ധപ്പെട്ട എല്ലാ സാഹചര്യങ്ങളും നിയന്ത്രണ വിധേയമാണെന്നും ജില്ലയിലെ വിദ്യാലയങ്ങൾ നേരത്തെ നിശ്ചയിച്ച പ്രകാരം ജൂൺ 6 വ്യാഴാഴ്ച തന്നെ തുറക്കുമെന്നും എറണാകുളം ജില്ലാ കളക്ടർ മുഹമ്മദ് വൈ സഫിറുള്ള അറിയിച്ചു. ജില്ലയിലെ ഒരു ആശുപത്രിയിൽ പ്രവേശിപ്പിച്ച രോഗിയിൽ നിപ ലക്ഷണങ്ങൾ സ്ഥിരീകരിച്ചതിനെ തുടർന്ന് വ്യാപകമായ മുൻ കരുതൽ സ്വീകരിച്ചിട്ടുണ്ട്.

Read Also; നിപ സ്ഥിരീകരിച്ച യുവാവിന്റെ ആരോഗ്യനില തൃപ്തികരം; മുഖ്യമന്ത്രിയുടെ നേതൃത്വത്തിൽ നാളെ അവലോകന യോഗമെന്ന് ആരോഗ്യമന്ത്രി

സ്ഥിതിഗതികൾ നിയന്ത്രണത്തിലാണെന്ന് ബുധനാഴ്ച രാവിലെ കളക്ട്രേറ്റിൽ ചേർന്ന ഉന്നതതല യോഗം വിലിയിരുത്തി. രോഗം വരാതിരിക്കാനും പടരാതിരിക്കാനും എല്ലാ വിധ പ്രതിരോധ നടപടികളും സ്വീകരിച്ചിട്ടുണ്ട്. ഈ സാഹചര്യത്തിൽ മധ്യവേനലവധിക്ക് ശേഷം ജില്ലയിലെ വിദ്യാലയങ്ങൾ ജൂൺ ആറിന് തന്നെ പ്രവർത്തനം ആരംഭിക്കുമെന്നും കളക്ടർ വ്യക്തമാക്കി.