മലേഗാവ് സ്ഫോടനത്തെപ്പറ്റി അറിയില്ല; അഴുക്കുണ്ടെന്ന് കാട്ടി കസേരയിലിരിക്കാൻ തയ്യാറായില്ല: കോടതിയിൽ നാടകീയ നീക്കങ്ങളുമായി പ്ര​ജ്ഞാ സിം​ഗ് താ​ക്കൂർ

കോടതിയിൽ നാടകീയ പ്രകടനവുമായി മാ​ലേ​ഗാ​വ് സ്ഫോ​ട​ന കേ​സ് മുഖ്യ പ്ര​തി​യും എം​പി​യു​മാ​യ പ്ര​ജ്ഞാ സിം​ഗ് താ​ക്കൂ​ർ. മലേഗാവ് സ്ഫോടനത്തെപ്പറ്റി തനിക്കൊന്നും അറിയില്ലെന്ന് പറഞ്ഞ പ്രജ്ഞ കസേരയിൽ അഴുക്കുണ്ടെന്ന് ചൂണ്ടിക്കാട്ടി ഇരിക്കാനും തയ്യാറായില്ല.

കേ​സ് പ​രി​ഗ​ണി​ക്കു​ന്ന​തി​നി​ടെ മാ​ലേ​ഗാ​വ് സ്ഫോ​ട​ന​വു​മാ​യി ബ​ന്ധ​പ്പെ​ട്ട് 116 സാ​ക്ഷി​ക​ളെ വി​സ്ത​രി​ച്ചി​ട്ടു​ണ്ടെ​ന്ന് കോ​ട​തി അ​റി​യി​ച്ചു. മാ​ലേ​ഗാ​വ് സ്ഫോ​ട​നം നടത്തിയത് ആരെന്ന് ചോ​ദി​ക്കു​ന്നി​ല്ല, മ​റി​ച്ച് 2008 സെ​പ്റ്റം​ബ​ർ 29 സ്ഫോ​ട​നം ന​ട​ന്ന​താ​യി പ്ര​ജ്ഞ​യ്ക്ക് അ​റി​യാ​മോ എ​ന്ന് കോ​ട​തി ചോ​ദി​ച്ചു. എ​ന്നാ​ൽ ത​നി​ക്ക് അ​തു​ സം​ബ​ന്ധി​ച്ച് യാ​തൊ​ന്നും അ​റി​യി​ല്ലെ​ന്നായിരുന്നു പ്ര​ജ്ഞയുടെ മറുപടി.

അ​തേ​സ​മ​യം വി​ചാ​ര​ണ​വേ​ള​യി​ൽ ഇ​രി​ക്കാ​ൻ പ്ര​ജ്ഞ കൂ​ട്ടാ​ക്കി​യി​ല്ല. ര​ണ്ട​ര മ​ണി​ക്കൂ​ർ നി​ന്നു​കൊ​ണ്ടാ​ണ് പ്ര​ജ്ഞ വി​ചാ​ര​ണ നേ​രി​ട്ട​ത്. ത​നി​ക്ക് അ​നു​വ​ദി​ച്ച ക​സേ​ര​യി​ൽ അ​ഴു​ക്കു​ണ്ടെ​ന്ന് ചൂ​ണ്ടി​ക്കാ​ട്ടി​യാ​ണ് അ​വ​ർ ഇ​രി​ക്കാ​ൻ കൂ​ട്ടാ​ക്കാ​തി​രു​ന്ന​ത്.

മാ​ലേ​ഗാ​വ് സ്ഫോ​ട​ന​ക്കേ​സി​ൽ ആ​ഴ്ച​യി​ൽ ഒ​രി​ക്ക​ൽ കോ​ട​തി​യി​ൽ ഹാ​ജ​രാ​ക​ണ​മെ​ന്ന് പ്ര​ത്യേ​ക എ​ൻ​ഐ​എ കോ​ട​തി ഉ​ത്ത​ര​വി​ട്ടി​രു​ന്നു. എ​ന്നാ​ൽ ആ​രോ​ഗ്യ​കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി ക​ഴി​ഞ്ഞ ദി​വ​സം അ​വ​ർ കോ​ട​തി​യി​ൽ ഹാ​ജ​രാ​യി​ല്ല. ഇ​തോ​ടെ ഇ​ന്ന് ഹാ​ജ​രാ​യി​ല്ലെ​ങ്കി​ൽ പ്ര​ത്യാ​ഘാ​തം അ​നു​ഭ​വി​ക്കേ​ണ്ടി വ​രു​മെ​ന്ന് കോ​ട​തി മു​ന്ന​റി​യി​പ്പ് ന​ൽ​കി. ഇ​തി​നു​പി​ന്നാ​ലെ​യാ​ണ് പ്ര​ജ്ഞാ കോ​ട​തി​യി​ൽ ഹാ​ജ​രാ​യ​ത്.

ബു​ധ​നാ​ഴ്ച രാ​ത്രി​യി​ൽ പ്ര​ജ്ഞ​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു. എ​ന്നാ​ൽ വ്യാ​ഴാ​ഴ്ച പു​ല​ർ​ച്ച​യോ​ടെ പ്ര​ജ്ഞ ആ​ശു​പ​ത്രി​വി​ട്ടി​രു​ന്നു