പാലാരിവട്ടം മേൽപ്പാലം അഴിമതി; ആർ.ബി.ഡി.സി.കെ രേഖകൾ വിജിലൻസ് പിടിച്ചെടുത്തു

പാലാരിവട്ടം മേൽപ്പാലം അഴിമതിയുമായി ബന്ധപ്പെട്ട് ആർ.ബി.ഡി.സി.കെ യുടെ രേഖകൾ വിജിലൻസ് പിടിച്ചെടുത്തു. ഇന്നലെ രണ്ട് ആർബിഡിസികെ ഉദ്യോഗസ്ഥരെ ചോദ്യം ചെയ്തതിന് പിന്നാലെയാണ് നടപടി. പിടിച്ചെടുത്തത് നിർണായക രേഖകളാണെന്നും ഇത് പരിശോധിച്ച ശേഷം തുടർ നടപടികളിലേക്ക് നീങ്ങുമെന്നും അന്വേഷണ സംഘം അറിയിച്ചു.

അടുത്തയാഴ്ച വിജിലൻസ് സ്ഥലപരിശോധന നടത്തും. ഇതിന് ശേഷം മേൽപ്പാലം നിർമ്മാണത്തിന്റെ കരാറുകാരനെയും ഡിസൈനറെയും വീണ്ടും ചോദ്യം ചെയ്യാനാണ് തീരുമാനം.