സ്വകാര്യ പാറമടയില്‍ നിന്നും സ്‌ഫോടക വസ്തുക്കള്‍ മോഷണം പോയ സംഭവം; ആറുപേരെ പൊലീസ് അറസ്റ്റ് ചെയ്തു

ഉടുമ്പന്‍ചോലക്കു സമീപം ചതുരംഗപ്പാറയിലെ സ്വകാര്യ പാറമടയില്‍ നിന്നും 100 കിലോഗ്രാം സ്‌ഫോടക വസ്തുക്കള്‍ മോഷണം പോയ സംഭവത്തില്‍ ആറുപേരെ പൊലീസ് അറസ്റ്റ് ചെയ്തു.

പാറമടയിലെ ഒരു ജീവനക്കാരനും മറ്റൊരു ഉടുമ്പന്‍ചോല സ്വദേശിയും തൂക്കുപാലം നെടുങ്കണ്ടം മേഖലയിലുള്ളവരുമാണ് പിടിയിലായത്. ചതുരംഗപ്പാറ പാറമടയില്‍ നിന്നും ഡിറ്റണേറ്ററും ജലാറ്റിന്‍ സ്റ്റിക്കും കാണാതായ സംഭവത്തില്‍ പൊലീസ് അന്വേഷണം തമിഴ്‌നാട്ടിലേക്കും വ്യാപിപ്പിച്ചിരുന്നു. കേരള – തമിഴ്‌നാട് അതിര്‍ത്തിയില്‍ തമിഴ്‌നാട് വനമേഖലയോടു ചേര്‍ന്നു പ്രവര്‍ത്തിക്കുന്ന പാറമടയില്‍ നിന്നുമാണ് 800 ജലാറ്റിന്‍ സ്റ്റിക്കുകളും 200 ഡിറ്റനേറ്ററുകളും കാണാതായത്.