പൊലീസിനെ പരിഷ്‌കരിക്കാൻ സർക്കാർ ഇടപെടണമെന്ന് വനിതാ കമ്മീഷൻ അധ്യക്ഷ

പരാതിയുമായി എത്തുന്ന സ്ത്രീകളെ നിരുത്സാഹപ്പെടുത്തുന്ന പൊലീസ് സമീപനം അംഗീകരിക്കാനാകില്ലെന്ന് വനിതാ കമ്മീഷൻ അധ്യക്ഷ എം.സി ജോസഫൈൻ. പൊലീസിനെ പരിഷ്‌കരിക്കാൻ സർക്കാർ ഇടപെടണമെന്നും വനിതാ കമ്മീഷൻ അധ്യക്ഷ ആവശ്യപ്പെട്ടു. വയനാട് അമ്പലവയലിൽ ദമ്പതികൾക്ക് മർദനമേറ്റ സംഭവം ഒരിക്കലും അംഗീകരിക്കാനാകാത്തതാണ്.

Read Also; വയനാട്ടിൽ നടുറോഡിൽ സ്ത്രീക്കും ഭർത്താവിനും ക്രൂരമർദനം; കേസെടുക്കാൻ വനിതാ കമ്മീഷൻ നിർദേശം നൽകി

സദാചാര പൊലീസ് ചമയുന്നവർക്കെതിരെ കർശന നടപടിയുണ്ടാകും. ചില സ്ത്രീകൾ വ്യാജ പരാതിയുമായി വനിതാ കമ്മീഷനെ സമീപിക്കുന്നത് ശ്രദ്ധയിൽപ്പെട്ടിട്ടുണ്ട്. ഇതിനെതിരെ നടപടി സ്വീകരിക്കും. നിരപരാധികളായ പുരുഷൻമാരെ ക്രൂശിക്കാൻ വനിതാ കമ്മീഷൻ ആഗ്രഹിക്കുന്നില്ലെന്നും അതിനാൽ തന്നെ എല്ലാ പരാതികളും സൂക്ഷ്മമായി പരിശോധിക്കുന്നുണ്ടെന്നും എം.സി ജോസഫൈൻ പറഞ്ഞു.