എറണാകുളം ഡിഐജി മാർച്ച്; പി രാജു ഉൾപ്പെടെ സിപിഐ നേതാക്കൾക്കെതിരെ കേസ്
എറണാകുളം ഡിഐജി ഓഫീസ് മാർച്ചിൽ സിപിഐ നേതാക്കൾക്കെതിരെ കേസ്. ജാമ്യമില്ലാ വകുപ്പ് പ്രകാരമാണ് കേസെടുത്തത്. ഒന്നാംപ്രതി ജില്ലാ സെക്രട്ടറി പി.രാജുവും രണ്ടാം പ്രതി എൽദോ എബ്രഹാമുമാണ്. എഫ്ഐആറിന്റെ പകർപ്പ് 24ന് ലഭിച്ചു.
ഇന്ത്യൻ ശിക്ഷാ നിയമത്തിലെ 333 ആം വകുപ്പ് പ്രകാരമാണ് സിപിഐ നേതാക്കൾക്കെതിരെ കേസെടുത്തിരിക്കുന്നത്. ഡ്യൂട്ടിയിലുണ്ടായിരുന്ന ഉദ്യോഗസ്ഥനെ മർദ്ദിക്കുക, കൈ തല്ലിയൊടിക്കുക എന്നിവയാണ് ഇവർക്കെതിരെയുള്ള പ്രധാന കുറ്റം. പൊതുമുതൽ നശിപ്പിച്ചതിനും ഇവർക്കെതിരെ കുറ്റം ചുമത്തിയിട്ടുണ്ട്.
അതേസമയം, പൊലീസ് എടുത്തിരിക്കുന്ന കേസിൽ ജയിലിൽ പോകാനും തയ്യാറാണെന്ന് പി രാജു പറഞ്ഞു. ജയിലിൽ അകത്ത് കിട്ടക്കണോ, പുറത്തിറങ്ങണോ എന്നത് പാർട്ടി തീരുമാനിക്കുമെന്നും രാജു പറഞ്ഞു.
നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
