പെഹ്‌ലുഖാൻ കൊലക്കേസിൽ ആറ് പ്രതികളേയും വെറുതെവിട്ടു

രാജസ്ഥാനിൽ പശുക്കടത്ത് ആരോപിച്ച് പെഹ്‌ലുഖാൻ എന്നയാളെ അടിച്ചു കൊലപ്പെടുത്തിയ കേസിൽ എല്ലാ പ്രതികളേയും വെറുതെവിട്ടു. ആറ് പ്രതികളെയാണ് വെറുതെവിട്ടത്. രാജസ്ഥാനിലെ ആൾവാറിലെ വിചാരണ കോടതിയുടേതാണ് വിധി. സംശയത്തിന്റെ ആനുകൂല്യം നൽകിയാണ് പ്രതികളെ കോടതി വെറുതെ വിട്ടത്.

2017 എപ്രിലിലായിരുന്നു കേസിനാസ്പദമായ സംഭവം. ജയ്പുരിലെ ചന്തയിൽ നിന്ന് വാങ്ങിയ കന്നുകാലികളെ ഹരിയാനയിലേക്ക് കൊണ്ടുപോകുന്നതിനിടെയാണ് ദേശീയ പാതയിൽ തടഞ്ഞ് നിർത്തി പെഹ്‌ലുഖാനെ ഒരു സംഘം ക്രൂരമായി ആക്രമിച്ചത്. മൂന്ന് ദിവസത്തിന് ശേഷം ആശുപത്രിയിൽവച്ച് പെഹ്‌ലുഹാൻ മരിക്കുകയായിരുന്നു.

പെഹ്‌ലുഖാനെ ആൾക്കൂട്ടം ആക്രമിക്കുന്നതിന്റെ ദൃശ്യങ്ങൾ പൊലീസിന് ലഭിച്ചിരുന്നു. ഇതിന്റെ അടിസ്ഥാനത്തിലായിരുന്നു അന്വേഷണം നടത്തിയത്. പശുവിന്റെ പേരിലുള്ള കൊലപാതകം രാജ്യത്തെ ഞെട്ടിച്ചിരുന്നു.



‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top
More