17
Sep 2021
Friday

സ്വിസ് ബാങ്കുകളിലെ ഇന്ത്യക്കാരുടെ നിക്ഷേപ വിവരങ്ങൾ ഇന്ന് മുതൽ ഇന്ത്യയ്ക്ക് ലഭിക്കും

സ്വിസ് ബാങ്കുകളിൽ ഇന്ത്യക്കാർ നടത്തിയിട്ടുള്ള നിക്ഷേപം സംബന്ധിച്ച വിവരങ്ങൾ ഇന്ന് മുതൽ ഇന്ത്യക്ക് ലഭിക്കും. കഴിഞ്ഞ വർഷം ക്‌ളോസ് ചെയ്ത അക്കൗണ്ടുകളെ കുറിച്ചുള്ള വിവരങ്ങൾ ഉൾപ്പെടെയാണ് ലഭ്യമാകുക.

ഇന്ത്യയും സ്വിറ്റ്സർലാൻഡും ഏറെക്കാലമായി തുടരുന്ന ചർച്ചകൾക്കൊടുവിലാണ് സ്വിസ് ബാങ്ക് നിക്ഷേപങ്ങളെ കുറിച്ചുള്ള വിവരങ്ങൾ ഇന്ത്യക്ക് കൈമാറാൻ ധാരണയായത്. വിവരങ്ങൾ ദേശീയ പ്രത്യക്ഷ നികുതി ബോർഡിനാണ് കൈമാറുന്നത്. കഴിഞ്ഞമാസം സ്വിസ് പ്രതിനിധി സംഘം അവസാനവട്ട ചർച്ചകൾക്കായി ഇന്ത്യയിൽ എത്തിയിരുന്നു.

റവന്യൂ സെക്രട്ടറി എ.ബി പാണ്ഡെ അടക്കം ഉന്നത ഉദ്യോഗസ്ഥരുമായി നടന്ന ചർച്ചയിൽ കരാർ ഒപ്പുവെയ്ക്കുകയും ചെയ്തു. ഇതോടെ സ്വിസ് ബാങ്ക് അക്കൗണ്ടുകളുടെ രഹസ്യ സ്വഭാവം നഷ്ടമായി. സ്വിസ് ബാങ്കുകളിൽ അക്കൗണ്ടുള്ള ഇന്ത്യക്കാരുടെ വിവരങ്ങളും തുകയും അടക്കം ഇനി നികുതി വകുപ്പിന് ലഭിക്കും. കള്ളപ്പണത്തിനെതിരെയുള്ള നിർണായക ചുവടുവയ്പ്പാണിതെന്ന് ദേശീയ പ്രത്യക്ഷ നികുതി ബോർഡ് പുറത്തിറക്കിയ വാർത്താക്കുറിപ്പിൽ വ്യക്തമാക്കി.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top